செய்திகள்

சூப்பர் மேட்டர் சொன்ன லெஜண்ட் சரவணன்… இதை செய்யுங்கப்பா!

தி லெஜண்ட்

நானும் ஆகுறேன்டா ஹீரோ என்று ஒரு சுபயோக சுபதினத்தில் ஹீரோவானவர் சரவணன் அருள். ஜேடி-ஜெர்ரி இயக்கத்தில் சரவணன் அருள் நடித்த தி லெஜண்ட் படம் ஜூலை 28ம் தேதி தியேட்டர்களில் ரிலீஸானது. 5 மொழிகளில் வெளியான தி லெஜண்ட் படத்திற்கு அதிகாலை சிறப்பு காட்சி எல்லாம் வைத்து அசத்தினார்கள். அதிகாலை காட்சியை பார்க்க ரசிகர்கள் கூட்டம் கூடியது.

படம் பார்த்தவர்கள் கதை சரியில்லை என்று கலாய்த்தார்கள். இந்நிலையில் நடிப்பு பற்றியும், தன் படம் பற்றியும் லெஜண்ட் சரவணன் பேசிய வீடியோக்கள் சமூக வலைதளங்களில் வலம் வந்து கொண்டிருக்கிறது. நடிப்பு என்பது கார் ஓட்டுவது போன்று. முதலில் லேசாக தடுமாறினாலும் பழகப் பழக சரியாக ஓட்டுவோம். நடிப்பும் அப்படித் தான். நடிப்பு ரொம்ப ஈஸி என்கிறார் சரவணன்.

சரவணன் அருள் சொன்ன விஷயத்தை விட அவரிடம் இருக்கும் நம்பிக்கை தான் பலரையும் கவர்ந்திருக்கிறது. இந்நிலையில் சரவணன் சொன்ன ஒரு விஷயம் பற்றிய வீடியோ வலம் வருகிறது. அந்த வீடியோவில் சரவணன் கூறியிருப்பதாவது, ஒரு இரண்டு, மூன்று முறை பார்த்தால் தான் படம் பார்த்துட்டோம் என்கிற திருப்தி இருக்கும். இது ஒரு மாஸ், ஆக்ஷன், கமர்ஷியல் படம் என்றார்.

தி லெஜண்டை பான் இந்திய படமாக எடுத்து வெளியிட்டார்கள். இதையடுத்து சூப்பர் ஹீராவோக மாறி அதை சர்வதேச அளவில் கொண்டு செல்ல முடிவு செய்திருக்கிறார் சரவணன் அருள். முதல் படத்தை நல்லபடியாக எடுத்து ரிலீஸ் செய்த திருப்தியில் அடுத்த பட வேலையில் இறங்கிவிட்டார் லெஜண்ட். நீங்க நடத்துங்க லெஜண்ட்.

Similar Posts